تورته شكولاته سهله ولذيذه
المكونات والطريقه
*المقادير الجافة*
2كوب دقيق *كوب سكر *نص كوب كاكاو خام *١باكت بيكنج بودر*رشه صغيره بيكربونات لو عندك
*المقادير السائله*
كوب لبن *نص كوب زيت *3 بيضه *فانيليا
نقلب المكونت الجافة مع بعض والسائلة مع بعض ونخلطهم كلهم ونحط الخليط في صينية مدهونه
زيت وندخلها الفرن حولى 35 دقيقه ولما تخرج من الفرن بقسمها واحشيها كريمه وشيكولاته
نغلفها بالكريمه واي انواع شيكولاته سايله او مبشورة موجوده عندك نزينها بيها اعمليها وقوليلى رايك
وبالهنا والشفا
فطار سريع ومغذي جدا للصغار والكبار
المكونات والطريقة
*بيدفّي في الشتا*
كباية شوفان* نص كباية بطاطا حلوة* كبايتين لبن حليب*معلقة سكر
اوعسل نحل عشان مغذى اكتر وهيفيد اطفالك * نص معلقة قرفة*.
هانسخن الشوفان مع اللبن لمدة خمس دقايق عالنار.. نحط البطاطا المهروسين وعليهم العسل والقرفة
ونقلب خمس دقايق كمان لحد مالقوام يبقى كثيف شوية.مثل الباشميل التقيل
او نقلل كمية اللبن ونعجن البطاطا والشوفان ونعملهم اقراص زى اللى فالصوره
الفطار ده مليان فيتامين وحديد وبروتين وطاقة .قومى اعمليه هيعجبك
بالهنا والشفا
طريقة عمل كعك بعجوة
المكونات والطريقة
المقادير
كيلو دقيق*3كوب زيت *معلقه كبيره خميره فوريه *لبن -ريحة كعك(من عند العطار) ميه *سمسم*عجوه (تمر مفروم)
الطريقه
نسخن الزيت ونرفعه من عالنار ونحط عليه كوب سمسم ونقلب شوية لما لون السمسم يتغير حاجه بسيطه.. ونحطه فوق الدقيق ونجيب كوبايه لبن نحط فيها معلقتين صغيرة سكر ومعلقه ملح ريحه الكعك او الموز ونقلب ونحطه على العجينه ونفركه بادينا كتير ونجيب كوب ماء دافى نحط فيه الخميره معلقتين كبيرة ونحطها عالعجين ونسيب العجينه ترتاح لما تختمر شويه نبتدى نشكلها اقراص او نخلى العجينه طويله ونحط العجوه ابالطول ونقفله بالعجينه تانى ونقطع بالسكين ممكن نحط بدل الزيت سمنه بلدى او نص زيت ونص سمنه وندخله الفرن على نار هاديه جدا حوالى ساعه اعمليه هيعجبك وقوليلنا رايك
بالهنا والشفا
طريقة عمل الحلاوة السمسميه
المكونات والطريقة
*المقادير*
2كوب ميه كبير *كوب سكر *عليهم نص لمونه *عود قرفه
خشب*معلقه صغيره ماء ورد*حوالي نص كيلو سمسم محمص *
*الطريقه*
يوضع الماء والسكر علي النار حتي الغليان وعليها عود
القرفه ونص اليمونه وماء الورد حته يصفر لونها ثم توضع عليها
السمسم وتقلب جيدا.. ونتأكد ان العسل اتكرمل وبقه لونه دهبي
غامق وبعدين نحضرصنيه وعليها ورق زبده وندهنه زيت ونصب
الخليط وهو ساخن ونضغطه ونساويه بالمعلقه بالصنيه واتركيه
يبرد وبعدها نقطعه ونقدمه وكمان ممكن نعمله كرات صغيره مثل
الصوره ودى نفس طريقه السودانيه او الحمصيه جربيها وقوليلنا رايك
وبالهنا والشفا
شوربه عدس سهله وسريعه
المكونات والطريقة
أشوربة العدس بيتعمل بطرق كتير بالكاري أوبالكريمة
أوبالشعرية.. زى ما انتى تحبيها لكن اساس الشوربة هو الخضار..تعالو نجرب الطريقة دي..
هانشوح بصلة كبيرة متقطعة في معلقتين زيت في حلة كبيرة وعليها 2طماطم مكعبات وبعدها نحط 4كوسة
..وعودين كرفس وواحدة بطاطس ..و2جزر وممكن واحدة بروكلي وأي خضار عندنا بنحبه.. زي البسلة مثلا.. كل ده
بنقلبه بسرعة وعليهم كوب عدس اصفر مغسول ونقلب كويس. وبعدها نحط 4كوب شوربة او ميّه مغلية... ونضبط
الملح وفلفل ورشة جنزبيل لو حابه ونسيبه يغلي على نار هادية لحد مايستوي وبعدها نضربه بالخلاط
الكهرباى حسب الكثافة اللي نحبها.. ونحط بقدونس عالوش. او بصل محمر
وبالهنا والشفا
كشك بالفراخ
المكونات والطريقة
من الأكلات اللي بنحبها فالشتاءو سهله نسلق فرخة مع بوكيه
جرنيه
وحبهان وقرنفل وملح وفلفل
نحضرمعلقة كبيرة سمنة بصلة كبيرة* نص كوب رز*2معلقة كبيرة
دقيق* علبه صغيره زبادي
حمرى البصل في السمنة لحد مايبقى لونه دهبي نشيل جزء من
البصل بعيد ونحط 3كوب من
شوربة الفراخه على بقية البصل ولما تغلي نحط الرز ونسيبه
10دقايق على نار هادية لحد مايستوي
ندوّب الدقيق مع الزبادي ونحطهم بالتدريج عالرز واحنا بنقلب لحد
مايكون زي الباشميل ونطفى النار
ونقطع الفراخ المسلوقة في طبق التقديم وعليها الكشك وباقى
والبصل المتحمر على الوش من فوق
البصل بعيد ونحط 3كوب من
شوربة الفراخه على بقية البصل ولما تغلي نحط الرز ونسيبه
10دقايق على نار هادية لحد مايستوي
ندوّب الدقيق مع الزبادي ونحطهم بالتدريج عالرز واحنا بنقلب لحد
مايكون زي الباشميل ونطفى النار
ونقطع الفراخ المسلوقة في طبق التقديم وعليها الكشك وباقى
والبصل المتحمر على الوش من فوق
وبالهنا والشفا
السويسرول
المكونات وطريقة التحضير
نجيب 5 بيضات
كوب سكر بودرة
فانيليا ومعلقة خل
كوب دقيق+ معلقتين كاكاو
معلقة نشا
معلقة بيكنج باودر
معلقتين لبن بودر
الطريقة
في الخلاط نحط البيض والفانيليا والخل
*ونضربهم دقيقة
*وبعدين السكر البودرة ونضرب كمان دقيقة
*وبعدين لبن بودره ونضرب كمان دقيقة
*وبعدين المكونات الجافة المنخولة ونضرب اخر دقيقة
ونكون خلصنا ضرب نحط الخليط في الصينية ونحطها فى الفرن تقعد ربع ساعة تقريبا
ونطلعها ونقلبها على ورق زبده ندهنها شربات علشان تكون طريه معانا شويه واحنا بنلفها وبعدين حطى مربى اللى تحبيه ونلفها وندخلها التلاجة ساعة علشان تشرب من الشربات والشربات بيكون ربع كوب ميه ومعلقه كبيره سكر
وبعدين نطلعها ونحشيها وبعدين نلفها باننا نحط فويل او ورق زبده تحت الكيك وبعدين نمسك طرف الورق ونحط ايدنا على الكيك منسحب الورق بخفه هتتلف معانا وبعدين نقفل الورق عليها كويس ونحطها فى الثلاجه ساعه وبعدين نقطعها
بالهنا والشفا جربيها
