المينى بيتزا
المكونات
نص كيلو دقيق
معلقه صغيره ملح
معلقه صغيره سكر
10 جرام خميره فوريه
ربع كوب زيت زيتون
حوالى ربع لتر ماء
الطريقه
حطى الدقيق وحطى عليه الزيت والسكر والملح والخميره وهقلبهم كويس خالص وحطى المايه الدافيه وهبداء بالعجن كويس جدا لحد ما العجينه تتماسك معايا واغطيها ببلاستيك لحد متخمر وابدا اجهز فى الصوص
مكونات الصوص
بصله مفرومه
1فص ثوم مفروم
معلقه صغيره زعتر
2 معلقه صلصه بوريه
3 كوب عصير طماطم
ملح فلفل اسود
فى حله ع النار فيها شويه زيت بسيطه جدا بنزل بالبصل المفروم وبقلب كويس وقبل مالونه يغير بنزل بالثوم وبقلب كويس بعد كده الصلصه البوريه وبقلب كويس بعد كده عصير الطماطم وبسيبها تتسبك وبعد كده بضيف الزعتر والروزمارى والريحان حسب الرغبه والملح والفلفل
عمل البيتزا والتسويه
بعد تخمر العجينه ببداء بتشكيلها وتقطيعها بقسمها على اربع اجزاء كل جزء بفرده لوحده كويس بالمردانه سمك مناسب وبعدين بجيب قطاعه او حتى كوب او ممكن علبه تونه عشان اقطع بيها العجينه الى قطع صغيره دائريه الشكل وبعد كده بجيب صاج بدهنه زيت بسيط جدا وبحط فيه قطع البيتزا وبسيب الصاج ده لمده 10 دقايق عشان العجينه تخمر تانى وتكون هشه وفى نفس الوقت طريه وبعدين بحط عليها المكونات اللى بنحبها انى احط زيتوناسود وبعدين بحط الجبنه المودزاريلا والشيدر على كل قطعه وبدخلها فرن ساخن حتى التسويه وبعدين اقدمها
بالهنا والشفا جربيها
كفته الفراخ المشويه
المكونات
نص كيلو فراخ مفرومه
نصف معلقه صغيره ثوم بودره
نصف معلقه صغيره بصل بودره
نصف حبه جوز الطيب مبشوره
1معلقه كبيره بقسماط مطحون ناعم
1 معلقه كزبره مفرومه خضرا
نصف معلقه سماق
نصف معلقه حبهان بودره
نصف معلقه زعتر بودره او فريش
نصف معلقه صغيره كركم
ملح وفلفل اسود
الطريقه
حضرى الفراخ المفرومه ونتبلها كويس بكل التوابل وبعدين نضيف عليها البقسماط المطحون ونقلبها كويس لحد ما كل المكونات تتخلط مع بعضها كلهم هدخلها الثلاجه لمده ساعه عشان الفراخ تتجانس مع التوابل وكمان عشان نعرف نشكلها كويس وتكون سهله فى تشكيلها بعدين هنشكلها اصابع فى اسياخ خشب حطيها قبلها شويه فالمايه عشان متتحرقش وبعد كده ترجعيها الثلاجه لمده نصف ساعه قبل الشوى تقدرى تشويها فحم هتكون جميله وممكن لو مش عندك فحم ممكن فى الفرن فى الرف الاوسط وممكن كمان فى طاسه فيها شويه زيت وقلبيها براحه على كل ناحيه
وبالهنا والشفا جربيها
فطاير بالجبنه
المكونات والطريقة
1 ونصف كوب لبن حليب مع 2 معلقه كبيره زبده وكمان 4 معلقه صغيره سكر ومعلقه كبيره ملح وزيها كمان خميره فوريه وبيضه و4 كوب دقيق وكمان ربع كوب مايه دافيه
الطريقة
اللبن مع المايه مع الخميره والملح والسكر والزبده والبيض قلبى كويس وبعدين انزلى عليهم بالدقيق مع العجن كويس لو على ايديكى وفى العجانه عادى براحتك المناسب ليكى
بعد ماتتعجين هتغطيها كويس وتسبيها نص ساعه ترتاح
تكونى جهزتى الحشوات اللى تحبيها ممكن سوسيج وممكن ببرونى او سلامى او فراخ مدخنه او تونه او بسطرمه وكمان ممكن فلفل اخضر حسب الرغبة وسمسم وكمان ماتنسيش الجبنه المودزاريلا
بعد العجينه ماترتاح هتقسميها كل قطعه حوالى 150 جرام وتبتدى تحطى التوبنج بعد فردها بالطريقه اللى تحبيها وبالشكل اللى تحبيه وتحطيها فى صاجات وتسبيها ترتاح تانى لمده 15 دقيقه قبل دخولها الفرن وعلى فرن درجه حرارته 180 هتحطيها فى ماتستوى معاكى وقدميها لاطفالك
وبالهنا والشفا جربيها
بطاطس بالاعشاب والخل
الطريقة
حضرى البطاطس الصغيره اغسليها قشريها واسلقيها فى مايه وخل وملح وبعدين
حضرى بصله مفرومه وفصين ثوم مفرومين
اعشاب من عندك زى الزعتر والريحان والروزمارى
كمان هنحتاج على كيلو البطاطس ربع كوب خل وعصير 4ليمونات
ملح وفلفل وكمون وشويه بقدونس مفروم
حطى حله ع النار تسخن كويس فيها شويه زيت او زبده وتحطى البصل والثوم اخلطيهم كويس سوتيه وبعدين تنزلى بالبطاطس وبعدين الخل والليمون وتقلبيهم كويس مع بعض تتبلى بالملح والفلفل والكمون وبعدين الاعشاب اللى عندك عليها مع البقدونس وقدميها
وبالهنا والشفا جربيها
كريم بورليه
المكونات و الطريقة
6صفار بيض
كوب ونص كريمه لبانى وبنفس الكوب ده هنحتاج كمان نص كوب لبن حليب
1 كوب سكر
معلقه صغيره فانيليا
1 عود فانيليا فريش مفرومه ولو عايزه نكهه جوز الهند هتحطى مكان الفانيليا الفريش دى معلقتين كبار جوز هند
سكر خشن وده هنحتاجه عشان نحمر وش البورليه زى الصوره كده تمام
الطريقه
هنضرب صفار البيض مع السكر مع الفانيليا وبعدين نكون حاطين اللبن مع الكريمه على النار ونسخنهم كويس جدا على نار هاديه وبعد كده هننزل بيهم براحه على صفار البيض مع السكر ونضرب كويس خالص لحد الخليط كله مايتجانس هضيف الفانيليا الفريش او جوز الهند وبعدين هجهز بولات الفرن اللى هتدخل الفرن وهصب فيها الخليط بتاع الكريم بورليه وبعدين هندخلهم الفرن فى حمام مايه زى الكريم كراميل بظبط على درجه حراره170 لمده نصف ساعه وبعدين يخرج من الفرن يدخل الثلاجه بعد مايبرد وعند التقديم نحط على البوله شويه سكر خشن بسيط او ونسيحهم فى الشوايه على وش الكريم وبورليه وقدميه هيعجبك انتى واسرتك
وبالهنا والشفا جربيها
وبالهنا والشفا جربيها
لحمه بقرى بالدراى فروت
المكونات والطريقة
هاتى بصله كبيره مفرومه
1 معلقه كبيره جنزبيل مفروم
1 معلقه صغيره ثوم مفروم
نص كيلو لحمه بقرى مكعبات صغيره
4حبات قراصيا وكمان 4حبات مشمشيه وقطعتهم مكعبات صغيره وكمان معلقه كبيره زبيب
جيبت كمان معلقه كبيره بابريكا
1 معلقه صلصه بوريه
ملح وفلفل اسود
الطريقه
النار حله فيها شويه زيت وبعدين حطيت اللحمه تتشوح ونزلت عليها بالبصل والجنزبيل والثوم
وقلبت كويس خالص وضيفى الصلصه والبابريكا مع التقليب وبعدين ضيفى كوبايه كبيره مايه وسيبت
دول كلهم فى بعضه يستوى سيبتها ع النار حوالى 40 دقيقه ان احتاجت مايه من وقت للتانى زوديها
وبعدين فى الاخر قبل ماتتطفى عليها النار بعشر دقايق حطيت المشمشيه والقراصيا والزبيب وتبلت
بالملح والفلفل وعملت كمان جنبها ارز ابيض وشويه سلطه
وبالهنا والشفا جربيها
مناقيش الزعتر
المكونات
نص كيلو دقيق
معلقه كبيره ملح
نص معلقه سكر
معلقه صغيره خميره فوريه
3 معلقه زيت زيتون
حوالى ربع لتر ماء دافىء للعجن
معلقه صغيره زعتر بورده
الطريقه
هاتى الدقيق وهحط عليه الزيت والسكر والملح والخميره والزعتر وهقلبهم كويس و هحطى المايه الدافيه وهبداء بالعجن كويس جدا لحد ما العجينه تتماسك معايا واغطيها ببلاستيك لحد متخمر وابدا اجهز فى التوبينج بتاعنا وهيكون عباره عن
4 معلقه كبيره زعتر فريش او مجفف ومعاهم نصف كوب صغير زيت زيتون ومعلقتين سمسم مع رشه ملح خفيفه خالص وحبه فلفل خفيفه ونقلبهم كلهم مع بعض وده هيكون التوبينج بتاع المناقيش
بعد خمران العجينه ببداء بتشكيلها وتقطيعها بقسمها على اربع اجزاء كل جزء بفرده لوحده كويس بالمردانه سمك 1 سم وبعدين بجيب قطاعه عشان اقطع بيها العجينه الى قطع صغيره دائريه الشكل وبعد ين بجيب صاج بدهنه زيت بسيط جدا وبحط فيه قطع المناقيش وبسيب الصاج ده لمده 10 دقايق عشان العجينه تخمر تانى وتكون هشه وفى نفس الوقت طريه وبعدين بحط عليها التوبينج وبدخلها الفرن على درجه 160 لمده 20 دقيقه او لحد ماتستوى معاكى ممكن كمان نعملها فى صاج كبير ونقطعها طعم فلسطينى لذيذ
وبالهنا والشفا جربيها