الانجليش كيك
الانجليش كيك فى البيت عشان نعمل
حاجه صحيه ومختلفه بايدينا
بعض ان مش فى حاجه صعبه فى مطبخنا
المكونات و الطريقة
نص كيلو دقيق نص كيلو زبده
نص كيلو سكر بودره
8 بيضات
فانيليا
1 باكو بيكنج بودر
الطريقه
فى العجانه او فى الماكينه بحط الزبده وتكون فى درجه حراره الغرفه
يعنى تكون متماسكه ومش جامده فى نفس الوقت مع
السكر البورده وبشغل عليهم على المضرب لحد متهش معانا وبعد
كده هحط بيضه بيضه على الخليط ده وهكون مهدى
المضرب على درجه واحد وانا بحط البيض وبعدين هحط الفانيليا
وهعلى المضرب تانى بعد كده هضيف الدقيق مع البيكنج بودر
ومش هنزل بيه مره واحده لا انا هنزل بيه شويه شويه على الخليط
ده لحد ما العجينه تتماسك وبتكون شبه الكريمه
المخفوقه لكن لونها بيكون مايل للاصفرار بعد كده فى قوالب الكيك
اللى بتكون مجهزه عندى على فكره الكميه دى تعمل 3
قوالب من الكيك هدهن القوالب بزبده واحط خليط الكيك فيها
وعايزكم مش املى القالب للاخر يعنى 3|4
القالب والربع الباقى يكون فاضى عشان الانجليش كيك بيعلى
وبدخله الفرن على درجه 170 لمده ساعه وممكن طبعا لو عايز
اعمله شيكولاته ازود حوالى 50 جرام من الكاكاو البودر على ربع
العجينه بعد متتعمل واصبه مع العجينه بتاع الكيك فى القالب
وكمان ممكن احط كريز او زبيب او اى فواكه
مجففه وهيعمل معاكى شكل جميل بعد متقطعيه
وبالهنا والشفا
0 comments:
Post a Comment