احلى كيكه برتقال
المكونات والطريقة
2 بيضه
2 كوب دقيق
1 كوب صغير سكر
بشر برتقاله
1كوب عصير برتقال فريش
1 معلقه كبيره بيكنج بودر
نصف كوب زبدة
نص معلقه فانيليا
طريقه العمل
فى الخلاط بتاعك وتحطى فيه البيض وتضربيه لمده دقيقتين بعدين هتضيفى الزبده وتقلبى كويس لحد الخليط مايتجانس كويس وبعدين السكر والفانيليا والعصير وبشر البرتقال كلهم فى الخلاط وبعدين ترفعى الخليط كله وتحطى الدقيق مع البيكنج بودر وتكملى عجن الكيكه على ايديكى وانتى بتعجنيها يكون العحن فى اتجاه واحد عشان مش تهبط منك وتكونى مجهزه صينيه الفرن مدهونه زبده وتصبى فيها خليط الكيك وعلى الفرن اللى يكون متسخن قبلها وعلى درجه حراره 200 لمده نص ساعه وتجمليها بالسكر البودره او مربى البرتقال وممكن تقدميها ساده
وبالهنا والشفا
دجاج بسويت شيلى سوس
المكونات والطريقة
هايله وخصوصا مع الفراخ طريقتها بسيطه * صدر فرخه يعنى نص فراخ بدون جلد وعظم* تبلتها ملح وفلفل ابيض وبعدين فى قطعه زبده شوحتها على النار وشيلها من الطاسه واركنيها على جنب
الاهم مرحله الصوص
فى طاسه تانيه معلقه بصل مفروم ومعلقه كرفس مفروم ومعلقه صغيره ثوم مفروم هتشوحيهم فى معلقه كبيره زيت و تجهزى معلقه شطه وفنجان هوت صوص الشطه السائله وفنجان كمان كاتشب ومعلقه صغيره سكر بنى مع فنجان مايه وانزلى بيهم فى الطاسه وحطيى الفراخ تكمل تسويه فى الصوص ده وواعملى جنبها أرز بسمتى ساده
وبالهنا والشفا
الفراخ البوب كورن
المكونات والطريقة
كل الاطفال بيحبوها نعملهالهم بدل ما نشتريها من بره عشان الزيوت هنعملها فى البيت بطريقه سهله
كيلو صدور فراخ مكعبات
كوب كبير دقيق عادى
كوب دقيق زره
2 معلقه صغيره ثوم بودره
2 معلقه صغيره بصل بودره
2 معلقه صغيره كارى بودره
2 معلقه كبيره زعتر بودره
2 معلقه كبيره نشا
2معلقه كبيره بابريكا بودره
ملح وفلفل اسود
2 معلقه صغيره بصل مجفف لو موجود
1 معلقه صغيره بقدونس مجفف
الطريقه
هتخلطى كل ده على الدقيق الابيض ودقيق الذره وبعدين تقسمى الخليط على قسمين نص منهم هتديله مايه وتقلبيه لحد مايكون فى قوام البشاميل وتتركيه على جنب والنص التانى زى ماهو هتسخنى الزيت كويس خالص ويكون غزير يعنى يغطى الفراخ وانتى بتقليها وبعدين هترشى قطع الفراخ بالملح والفلفل وتحطيها فى العجينه ومن العجينه على الدقيق ومن الدقيق على القلى لحد ماتاخد اللون الدهبى وممكن تقدمى معاها بطاطس مقليه وخص وخيار وشرايح طماطم والكاتشب
وبالهنا والشفا
صينيه مكرونه بالمشرم
المكونات والطريقة
كيس مكرونه فرن واسلقيه واركنيه على جنب هاتى بصله مفرومه صغيره خديها سوتيه مع فصين ثوم مفرومين وضيفى عليهم كوب مشروم كل ده سوتيه وبعدين كوب كريمه وكوب لبن حليب تبلى بالزعتر والملح والفلفل وبشره صغيره جوز الطيب ولوحابه روزمارى حطى شويه سيبيهم يغلوا كويس وبعدين حطى المكرونه المسلوقه عليهم قلبى كويس وبعدين هاتى صينيه حطى فيها الخليط ده كله وعلى الوش حطى مودزاريلا مبشوره مع ورشه زعتر ورشه زيت زيتون وعلى الفرن لحد ماتاخد اللون
وقدميها بالهنا والشفا
طاجن لسان عصفور
المكونات والطريقة
كيس لسان عصفور هاتى حله وحطى فيها زيت وانزلى بكيس اللسان عصفور حمريه كويسجدا وبعدين ضيفى بصله مفرومه وكمان فص ثوم مفروم قلبيهم كويس حطى معلقه كبيره زبده وكمان تبلى كمون وكزبره ناشفه وبعدين هتكونى محضره 2 حبه طماطم مبشوره بالمبشره وكمان معلقه كبيره صلصه وكمان معلقه صغيره بابريكا هتضيفى كل المكونات وهتضيفى مايه فوق اللسان بظبط كانك بتعملى ارز وهتهدى النهار طبعا بعد ماتبلى بالملح والفلفل وتسيبيه يكمل تسويه ويشرب مايته لو عايزه تضيفى لحمه بس اسلقيها على جنب الاول وبعدين ضيفيها مع تسويه اللسان وكمان ممكن تضيفى خضار وممكن كمان مكسرات او كبده طعمه جميل
وبالهنا والشفا
اجمل ايس كريم
المكونات والطريقة
من غير مجهودو امكانيات بسيطه
smile emotico
هاتى4موز حطيهم فى الفريزر بقشرهم لمده ساعتين
هتكونى مجهزه نصف كوب شيكولاته سايحه هتطلعى الموز قشريه حطيه فى الخلاط مع معلقه كبيره لبن حليب ضيفى الشيكولاته والخلاط شغال طلعيهم حطيهم فى قالب ورجعى الخليط ده كله ع الفريزر لمده ساعتين كمان هتلاقيه اجمل ايس كريم وبدون اى مواد حافظه وممكن تعمليها بالفراوله
وتجمليها بالفواكهه والمكسرات
وبالهنا والشفاء
طريقه عمل صوص الفراوله
المكونات والطريقة
نص كيلو فراولة مجمدة أو طازجة مغسولة ومقطعة إلي شرائح
نص كوب سكر
١ ملعقة صغيرة عصير الليمون
3 ملعقة صغيرة نشا (دقيق الذرة)
نص كوب ماء
طريقة عمل الصوص
نضع الفراولة والسكر في حله على نار متوسطة الحرارة لمدة ٥ دقائق بعد أن تبدأ بالغليان، مع التحريككل فتره إذا كنّا نستخدم الفراولة الطازجة نطهوا المزيج لمدة ٢- ٣ دقائق.
نهرس المزيج بالخلاط الكهربائي اتركي الخليط جانيا ليبرد قليلا ثم استخدامي الخلاط الكهربائي العادي.
بعد هرس مزيج صوص الفراولة نعيده إلى النار، ونضيف عصير الليمون ونخلط فوق نار متوسطة الحرارة لمدة ٣ دقائق.
نمزج النشا والماء ونضيفه إلى خليط صوص الفراولة. نقلبهم لمدة 5 دقائق إضافية.نخزن الصوص في الثلاجةواستخدميه على الحلويات او التست
وبالهنا والشفا
بسكويت النشادر
المكونات والمقادير
كيلو جرام دقيق قمح
كوب ونص سكر
كوب وربع سمن
6 حبات بيضات
ملعقة كبيرة نشادر
فانيليا
1/2 كوب حليب
الطريقة
* اخلطى السكر مع السمن جيداً حتى يصبح كريمى
*اخلطى البيض مع الفانيليا مع السكر بالمضرب الكهربائى، ثم أضيفيهم الى السكر والسمن
*قلبى الخليط كويس حتي تتأكدى من ذوبان السكر نهائياً
*دوبى النشادر في نصف مقدار الحليب وأضيفيه الي الخليط السابق ويقلب الخليط جيداً
* أضيفى الدقيق الى الخليط وإعجنى باليدحتي تختفى آثار الدقيق
* أضيفى نصف كمية الحليب المتبقي وقومى بلم العجينة حتي يختفي الحليب
*يجب ان تكون العجينة متماسكة لتدخل فى ماكينة تقطيع البسكويت. وإذا كانت كويسه يمكن الإستغناء عن باقى الحليب الى العجينة حتى لا تلين
*إتركى العجينة لمدة ساعة قبل التقطيع حتي ترتاح وتتجانس
* رصى البسكويت بجانب بعضه مع ترك مسافات في صينية الفرن مدهونة بالقليل من السمن
* إخبزى البسكويت في فرن متوسط الحرارة حتي يصفر لونه ثم يترك ليبرد وقدمى احلى بسكوت
وبالهنا والشفا
اسهل طريقة لعمل شاورما الفراخ
المكونات والطريقة
نص كيلو صدر دجاج مخليه
١ بصل حجم كبير، مبشورة
نص كوب فلفل أخضر، مقطع شرائح
نص كوب طماطم، مقطعة شرائح
ربع كوب زيت
١ ملعقة صغيره زبدة، أو سمن
١ ملعقة كبيرة خل
١ ملعقة صغيره عصير ليمون حامض
*زعتر*كاري
كوب صغير ذبادى
ملح وفلفل أسود
الطريقة
*تغسل صدور الدجاج جيدا بالملح
* تقطع شرائح او مكعبات وتتبل الفراخ بماء البصل و الليمون و الخل و الفلفل الاسود لمدّة 15 دقيقه والذبادى ونصفيها من السائل
* يسخن الزيت ع النار و نضع كل الفراخ تُقلب قليلا ثميوضع عليها الفلفل الاخضر و الطماطم.يوضع الكاري و نقلبهم قبل النضوج بقليل نضع الزعتر حتي يكتمل النضج . تقدم سندوتشات مع كاتشب وبطاطس مقليةوخص وخيار وشرايح طماطم
اسهل طريقة لعمل شاورما اللحم
المكونات والطريقه
نص كيلو لحم بقرى، شرائح رفيعه
١ ليمونة مقطعة شرائح بالقشر
٢ ملعقة صغيره خل أبيض
علبه صغيره لبن زبادي
ملح وفلفل أسود
نص ملعقة صغيره سبع بهارات
ربع ملعقة صغيره هيل مطحون
٢ ملعقة كبيرة زيت نباتي،او يفضل دهن من الجزار لتقليب الشاورما
مقادير الطحينة
5 ملعقة كبيرة طحينة
٣ ملعقة كبيرة عصير ليمون
٣ ملعقة كبيرة لبن زبادي
١ فص ثوم مهروس
ملح
الطريقة
* اللحمة تقطعيها قطع اصابع طويلة واقطعه ( قطعيه بالطول)
* ضعي اللحم في صينية بايركس واضيفي الليمون والبرتقال وافركي اللحم مع الحمضيات واثناء ذلك اعصري شرائح الليمون
* اضيفي الفلفل وسبع بهارات والهيل والخل واللبن واخلطيهم كويس، اتركي الخليط ينقع حوالي ٤ ساعات على الاقل
* في مقلاة مناسبة يوضع الزيت على نار قوية ويزال الليمون ويؤخذ كمية من اللحم واعصريه بيديك من السائل الموجود باللحمه ثم ضعيه بالمقلاة حتى تنتهي كمية اللحم.
* لازم تكون المقلاه ساخنة جدا لعدم خروج عصارة اللحم
* يقلبوا حتى يستووا ( لن يأخذوا وقت طويل) ثم يضاف الملح بعد الاستواء.
* عند الاستواء تكوني قد جهزتي فحمة مشتعلة ،اصنعي حفرة بوسط اللحم وضعي ورقة الامنيوم على شكل حفرة وضعي فيها الفحمة وفوقها القليل من الزيت وغطيها فورا واتركي الغطاء حوالي خمس الى عشر دقائق.
* تقدم شاورما اللحم مع بصل مقطع جوانح مخلوط مع سماق وبقدونس ومع طماطم ومع صلصة الطحينة
* لعمل الطحينة * عصير الليمون والطحينه اخلطيهم كويس ان الطحينة اصبحت تقيله وهذا طبيعي ، اضيفي الزبادى او الماء والثوم واخلطيهم جيدا واضيفي الملح.
وبالهنا والشفا
طريقة عمل أيس كريم جيلاتي
المكونات والطريقة
١ كيلو حليب سائل
٤ بيض
١ كوب سكر
٤ ملعقة كبيرة كاكاو بودرة
٤ ملعقة كبيرة نشا
٢ كوب كريما كثيفة، شانتييه أو كريم لباني يضاف اليه تلت تربع كوب سكر
فانيليا
الطريقة
* يفصل صفار البيض عن بياضه .
* يؤخذ نصف كوب حليب بارد ويذاب في النشا.
* باقي الحليب يوضع علي النار ويضاف له السكر مع التحريك.
* يضرب صفار البيض ويضاف مع الحليب علي النار الهادئه مع التحريك المستمر
* عند غليان الحليب يضاف إليه الحليب بالنشا مع التحريك المستمر حتي يغلظ قوامه يرفع عن النار بسرعة.
* يُخفق البياض بالمضرب حتي يصبح كالكريمة ويضاف الحليب الغليظ القوام.
* يُحرّك بخفّة حتي لايخرج الهواء من أسفل لأعلي ثم يبرد مع ملاحظة التحريك كل فتره بخفه حتي لا يتكوّن طبقة على الوجه.
* يضاف للكريم شانتيه ويُخلط بالمضرب السلك أو الكهرباء حتي يتم الخلط ويوضع في الفريزر وده ايس كريم شوكولاته لو تفضلى اى طعم هتجيبى لون مصرح بيه بتاع الحلويات وتعمليه مكان الكاكاو بنفس الطريقة بيكون كده
وبالهنا والشفا.
كفتة الفراخ
المكونات والطريقة
مقادير كفتة الفراخ: 2 قطع صدور فراخ بصلة مبشورة بيضة بقسماط ملح وفلفل أسود ربع قرفة فلفل أحمر مقطع توابل
طريقة عمل كفتة الفراخ
* افرم صدور الدجاج بالكبه الكهربائيه لو مش عندك ممكن بالسكين حتى تنعم ، وضيفى إليها البصل والفلفل والتوابل وقومى بتقليبها جيداً.* قسمى الخليط نصفين الأول نتركه جانباً ليجهز للشوى،*والثانى نضيف عليه باقى الخليط من البيض والبقسماط ونقلبها ونتركها لمدة ساعتين قبل التسوية. * نأخذ النصف الأول من الخليط ونقوم بعمله صوابع ونحمره فى إناء مدهون بزيت قليل حتى لا يلتصق به. 4- الخليط الثانى نقوم بقليه فى الزيت ثم نقوم بإشعال فحمة ووضعها داخل الإناء وتطفيتها بسمن وغلق الغطاء جيداً، حتى تتشرب الكفتة رائحة الفحمة وتصبح مشوية
طريقه حفظها فالفريزر بعد ما تعمليها صوابع تسويها على البخار فى مصفه وبعد ما تبرد تحفظيها فكيس او علبه فالفريزر وعند استخدامها تعمليها بانيه ممكن تفضل محفوظه لمده شهر
وبالهنا والشفا
نصائح للحفاظ على جمال يديك فالشتاء
الطريقه سهله وبسيطه
فى الشتاء دايما يكون من خشونه ايديكى واسمرارها خصوصا عند غسيل المواعين
مش مطلوب منك غير نص ليمونه تكون موجوده فمطبخك هتخلصى مواعينك وتدعكى ايديكى كويس بالليمون هتفضل ايديكى ناعمه وجميله وكمان بالاضافه لتبيضها والاهم بدون تكلفه استخدام اى كريمات او مركبات كيميائية تضر بشره ايديكى متكسليش تعمليها
طريقة عمل شيبسى الدوريتوس فالمنزل
المقادير والطريقة
المكونات
2 كوب دقيق ابيض عادى* نصف كوب دقيق ذره
2 معلقه كبيره ممسوحه نشا
معلقه صغيره ملح مع معلقه صغيره سكر
معلقه كبيره زيت ذره
1 معلقه صغيره كمون حب مش مطحون يعنى وده موجود عند اى عطار او فى اى سوبر ماركت اجيبه
1 معلقه صغيره شطه بودره حسب الرغبه وده طبعا لو بتحبى الدوريتوس اسبايسى
معلقه صغيره كارى بودره او حطى كركم اللى موجود عندك
1 معلقه صغيره بابريكا بودره
وهنحتاج مايه للعجن حسب مانحتاج فى العجن لانى عايز العجينه دى متماسكه جدا ناشفه يعنى
الطريقه
كل المكونات دى هنعجنها مع بعض الدقيق الابيض مع دقيق الذره مع الملح والسكر والتوابل كلها والنشا والزيت وبعدين نضيف المايه قليل قليل لانى محتاج العجينه تكون متماسكه معاكى مش تكون لينه وبعد ماتتعجن معاكى كويس اوى هتسيبيها تريح لمده ربع ساعه بعد كده هنقسم العجينه على8 قطع وبعدين نفرد كل قطعه على الرخامه بالنشابه والزبت وتحاولى انك تفرديها جدا يعنى السمك يكون قليل اوى بعد كده هتقطعى العجينه بالاشكال المختلفه اللى بتحبيها بسكينه او بعجله التقطيع بتاعت البيتزا مثلا مثلثات او مربعات ويكون عندك طاسه فيها زيت سخن وغزير وتبتدى تقلى قطع الدوريتوس لحد ماتاخد اللون الدهبى هترفعيها على مناديل مطبخ عشان تصفى الزيت وممكن تحطى الطعم اللى تحبيه اثناء العجن يالله جربيه هيعجبك
وبالهنا والشفا
طريقه عمل بيتزا البان الامريكى
مارجريتا
المقادير وطريقة التحضير
المكونات
نصف كيلو دقيق
نصف معلقه كبيره ملح
نصف معلقه كبيره سكر
10 جرام خميره فوريه
4ملعقه زيت زيتون
حوالى نصف لتر ماء دافىء للعجن
الطريقه هجيب الدقيق وهحط عليه الزيت والسكر والملح والخميره وهقلبهم كويس بعد كده هحط المايه الدافيه هاعجن كويس جدا لحد ما العجينه تتماسك معايا اتركيها على جنب واغطيها ببلاستيك لحد متخمر وابدا اجهز فى الصوص بتاعى
مكونات الصوص
بصله مفرومه
2 فص ثوم مفروم
معلقه صغيره زعتر
معلقه ريحان بودره او فريش
معلقه صغيره روزمارى
2 معلقه صلصه بوريه
2 كوب عصير طماطم
ملح فلفل اسود
فى اناء ع النار فيها شويه زيت قليل جدا بنزل بالبصل المفروم وبقلب كويس وقبل مالونه يغير بنزل بالثوم وبقلب جيدا بعد كده الصلصه البوريه وبقلب بعد كده عصير الطماطم وبسيبها تتسبك وبعدين بضيف الزعتر والروزمارى والريحان والملح والفلفل
عمل البيتزا
بعد خمران العجينه ببداء بتشكيلها وتقطيعها قطعه العجينه حوالى 250 جرام ده مهم جدا عشان التسويه تطلع صح بعد كده بفرد العجينه كويس
بالمردانه او النشابه وبحطها فى الصينيه وبسيبها حوالى ربع ساعه وبضيف الصوص وبعدين المودزاريلا المبشوره وعلى الفرن مباشره ودى بقاء المارجريتا عشان تكون سهله عليكى ولو تحبى حطى المكونات اللى نفسك فيها بنفس المقادير والطريقة
وبالهنا والشفا
العيش البورى
المكونات والطريقه
1 ونص كوب دقيق ابيض *رشة ملح*رشة سكر*نص كوب دقيق رده*كوب ماء دافى *وكوب دقيق بنفس الحجم *2 ملعقة كبيرة زيت*
الطريقه
هتحطى كل المكونات دى مع بعضها وتعجنيها كويس جدا كأنك بتعجنى بيتزا بالظبط وبعدين تسيبى
العجينه دى ترتاح لمده 15 دقائق بعد كده هتقطعيها قطع صغيره
وبعدين تفرديها رفيعه لحد ماتخلصى كل الكميه وبعدين تقليها فى الزيت زى ما فى الصور جربيها هتعجبك لذلذه
وبالهنا والشفا
Monkey Bread
المكونات والطريقة
نص كيلو دقيق مع معلقه كبيره سكر ومعلقه كبيره ممسوحه خميره فوريه وعليهم نص معلقه صغيره
ملح وربع فنجان زيت ذره هتقلبيهم مع الدقيق وبعدين تضيفى ربع لتر لبن حليب هتعجنيهم كويس زى
البيتزا بظبط وتسيبى العجينه دى تتخمر تكونى جهزتى اى حشوات انتى بتحبيها زى او الفراخ او
اللحوم المدخنه او تونه او حتى ساده المهم انك تحضرى مكعبات جبنه مودزاريلا وكمان شويه
مبشورين هتقطعى العجينه قطع صغيره وتفرديها وتحشيها بالجبنه مع اى حشو بتحبيه وقطعه
طماطم مكعبات وفلفل اخضر وزيتون زى متحبى كمان وتلفى العجينه كرات صغيره وترصيها فى صينيه مدهونه زيت تحطى كرات
العجينه الملفوفه دى جنب بعضها وترشى فوق العجينه فى الصينيه جبنه مبشوره وتدخليها
الفرن هتطلع معاكى لذيذه هتعجبك جدا انتى وافراد اسرتك اعمليها ورايك يهمنى
وبالهنا والشفا
سلطه بطاطس بالينسون
المكونات والطريقه
هاتى 2 حبات بطاطس قشريهم وقطعيهم تقطيعه كبيره اوبطاطس صغيره الحجم اسلقيها فى مايه مع عصير ليمونه كبيره ومعلقه صغيره ينسون بعد ماتستوى صفيها كويس
حضرى معلقه كبيره نعناع فريش مفروم وزيها بقدونس وكمان كزبره خضرا ونص بصله صغيره مفرومه وفصين ثوم مفرومين و2 معلقه زيت زيتون او زيت زره مع ملح وفلفل وشطه وكمون قلبيهم مع
البطاطس
هتكونى عملتى اجمل سلطه بطاطس بالينسون طعمها من ايدك لكل اسرتك
وبالهنا والشفا
بديل كريمه الطهى
المكونات والطريقة
وصفه بديل كريمه الطهى عشان ميزانيه مطبخك وليه تحتارى اعمليها بنفسك تجيبى
كوبايه كبيره لبن حليب ومعاها معلقه ونص كبيره دقيق ونص معلقه نشا مع معلقه كبيره زبادى وهتضربى كل ده كويس فى الخلاط على البارد وتحطيها فى الثلاجه وتستخدمى منها لمده يومين بس مش اكتر smile emoticon
وبالهنا والشفا
صينية فراخ بالبطاطس في الفرن
المكونات والطريقه
*الطريقة*
نقطع الفرخه 8قطع ونتبلها بالملح وخل وبسيبها وبقطع البصل شرايح رفيعه وبقطع البطاطس مربعاتاو دواير زى ماتحبى وحط البصل في الصينيه بالسمنه وافضل اقلب فيه لحد ما يدبل بعدين بحط الفرخه عالبصلواقلبها كويس ونحطها عالنار وافضل اقلب فيها شويه لحد ماتقريبا كأنها نص سوى بعدين بحط البطاطس وبقلب بردو واول مايبدا يدبل اضيف عليهم ميه بمقدار كويس لحد ماتغطيهم كلهم.. نحط ورقيتين لورا ومرقه دجاج والملح والفلفل والتوابل والفلفل الاخضر ونسيبها تغلي شويه وبعدين احطها ف الفرن لحد ماتستوي.. واشغل الشواية عشان تحمر..وممكن نضيف واحده طماطم مربعات صغيره
وبالهنا والشفا
الجبنة والخيار
المكونات والطريقه
الجبنة والخيار من الحاجات اللي ممكن نعمل بيه اشكال كتير جدا من المقبلات او وسط اليوم ومافيهاش كالوريز كتير ممكن ناكلها من غير قلقل خالص حتى لو عامله دايت
الخيار بالجبنة والشبتهانقطع الخيار بالعرض ونفضيه من البذر ونعمل الحشو عبارة عن جبنة كريمي او جبنة ملح خفيف وعليها رشة بودرة توم ورشة كمون وشبت وبقدونس مفرومين ونحشي بيهم الخيار طبعا ممكن نعمل بيهم وممكن كمان نحطلها زيون مفروم او رشة شطة حلوه جربيها هتعجبك لوعاوزه عشاء خفيف
الخيار بالجبنة والشبتهانقطع الخيار بالعرض ونفضيه من البذر ونعمل الحشو عبارة عن جبنة كريمي او جبنة ملح خفيف وعليها رشة بودرة توم ورشة كمون وشبت وبقدونس مفرومين ونحشي بيهم الخيار طبعا ممكن نعمل بيهم وممكن كمان نحطلها زيون مفروم او رشة شطة حلوه جربيها هتعجبك لوعاوزه عشاء خفيف
وبالهنا والشفا
طريقة عمل بسكوت البرازق السوريه
*المكونات والطريقة فخطوتين*
المقادير
نصف كوب سكر بودر*1كوب سمن*1بيضه*2كوب دقيق*فانيليا*ملعقه كبيره بكينج بودر.
نخلط المقادير كلها مع بعض ونعجنها حتى تتجانس بعدين نشكّلها ونرش عليها سمسم او شرايح
شوكلاتة او مكسرات مقروشه اللى تحبيه ويكون عندك فالبيت
وندخلها الفرن سخن لحد ماتحمر جربيها وقوليلى رايك
وبالهنا والشفا
*طريقة عمل كيكة البسبوسة*
المكونات والطريقة
المقادير
كوب جوز الهند*كوب لبن بودرة*كوب سكر*كوب دقيق سميد*نص كوب زيت*كوب ماء*3بيضه*علبه زبادي*نص كوب دقيق*فانليا*2معلقة بيكنج بودر
الشربات: كوب ونص ماء وكوب ونص سكر ونص ليمونة
*الطريقة*
نضرب البيض والفانليا لمدة 5 دقايق ونضيفهم لباقي المقادير الى ان تختلط
ونضعها ف الفرن ع درجة حرارة170 لمدة 30 الى 45 دقيقة حسب ماتستوي ونحط عليها الشربات
باردوجوزهند على الوش
وبالهنا والشفا
تشيز كيك بالشوكلاتة والكريز
المكونات والطريقه
المقادير
300 جم بسكويت بالشوكلاتة اوحوالى 6 باكو بسكوت*100 جم زبدة * نص كيلويعنى 500 جم جبنة كريمي *نصف كوب سكر *نص كوب كريمة سائلة *1معلقة نشا *2 بيضة *2 م فانيلا *1علبة زبادى
*كوب كريمة شكولاتة بالبندق.
*للزينه*
نص كوب كريمة شكولاتة بالبندق *ربع كريمة سائلة*بسكوت بالشوكلاتة وكريم شانتية
*الطريقة*
ننزع الكريمة اللى بداخل البسكوت ونطحن البسكويت ونضيف علية الزبدة الطرييه ونقلب ونحطة في قالب التشيز ويكون مقاس مناسب ونضغطة كويس ونحطة فى الفرن لمدة 12 إلى 15دقيقة ونخرجة وثم بالمضرب الكهربائي نخلط الجبنة والسكر والفانيلا والكريمة والزبادى والبيض والنشا ونشيل ثلث من الخليط ونضيف علية كوب كريمة الشيكولاتة و2 ملعقه حليب سائل نضيف الخليط الأبيض الأول وثم الخليط التانى علية وتدخل الفرن فى حمام مائى ساخن لمدة 45 دقيقة اول متبرد تماما وتدخل التلاجة لمدة 6الى 8 ساعات على الأقل .
وثم نغلى كمية الكريمة ونضيفها على باقى كريمة الشوكلاتة ونقلب ونضيفها على الوجة تدخل التلاجة تتماسك الطبقة الأخيرة وتزين بكريم شانييه والكريز او فروله اللى تحبى تعمليه رايك يهمنى
وبالهنا والشفا
