مطبخ فسفوسه

التتبيله الخاصه بالشوى هتكون عباره عن

1 بصله

1 فلفل رومى اخضر

نصف حبه طماطم

نصف معلقه بابريكا بودره

1 معلقه مسطرده

ربع فنجان عصير ليمون

2 معلقه خل كبيره

ربع فنجان زيت زره

ملح وفلفل اسود

نصف فنجان كاتشب

5 ورقه لوره

هنضرب كل مكونات التتبيله دى مع بعضها كويس اوى فى الخلاط لحد ماتتجانس معانا وبعدين نحط فيها شرائح صدور الفراخ لمده 4 ساعات فى الثلاجه

بعد كده نبتدى نجهز

مايونيز

شرائح طماطم

شرائح خيار مخلل

عيش فرنساوى

خص كابوتشا او بلدى

ممكن كمان شرائح بصل لو بتحبيها

الطريقه

هنجيب الفراخ ونصفيها من التتبيله ونشويها على الشوايه الكهرباء او الفحم ولو مش عندك شوايه ممكن طاسه فيها شويه زيت وبعدين نسوى فيها الفراخ وعلى فكره هى مش بتاخد وقت طويل فى التسويه يعنى يدوب لونها يحمر ونبتدى نشيلها من الطاسه او من على الجريله و نعمل احلى سندوتشات لاسرتنا وبالهنا والشفا

2 اسلايز لانشون او سلامى او تركى مدخن اى نوع لحوم بادره

2 ورقه خص بلدى او كابوتشا

2 شريحه طماطم

2 شريحه خيار

1 معلقه صغيره مسطرده مع 1 معلقه صغيره زبده

الطريقه

بعد تحميص التوست هنقلب معلقه المسطرده مع الزبده كويس وهندهن بيهم شرائح التوست وبعد كده هنعمل السندوتش عادى جدا شريحه التوست ونرص الخص والخيار والطماطم وشرائح اللحوم وشرائح الجبنه ونقدمه بالهنا والشفا

1 بلح جوز الطيب مبشور

1 ربطه بقدونس مفروم

دقيق. بيض . بقسماط مطحون

دى مكونات الكفته

السندوتشات

عيش فرنساوى

مايونيز

خيار مخلل ترنشات

خص فرنساوى او كابوتشا او بلدى

طماطم حلقات

طريقه العمل للكفته

بفرم اللحمه وش واحد فى الماكينه ثم بضيف باقى المكونات وبعدين بفرم اللحمه تانى مع المكونات وش تانى فى الماكينه وبعدين بحطها فى الثلاجه لمده ساعه وبعدين بصبع الكفته صوابع وبعد كده بحطها فى الدقيق ثم البيض ثم البقسماط وبدخلها الفريزر لمده نص ساعه قبل القلى وبعدين بنقليها فى زيت غزير لحد مالونها يبقى دهبى جميل

وبعدين نبتدى نعمل منها احلى واجمل سندوتشات وبالهنا والشفا

مكونات سلطه الكلو سلو بالريكفورد

ربع كرنبه مقطعه شرائح رفيعه جوليان

1 جزره صغير مبشوره

1 معلقه كبيره خل

1 معلقه سكر

نصف مكعب جبنه ريكفورد

نصف فنجان كريمه لبانى

هنحط الجزر والكرنب مع بعض وعليهم معلقه خل ومعلقه سكر وبعدين نجيب الجبنه ونضربها فى الخلاط مع الكريمه اللبانى لحد ماتتجانس معانا وبعد كده هنضيفها على الكرنب والجزر ونقلبها على بعض كويس ونسيبها فى الثلاجه لحد مانعمل الفراخ الباربكيو

مكونات صوص الباربكيو اللى هنتيبل بيه الفراخ

نصف فنجان كاتشب

2 معلقه كبيره هوت صوص

1 معلقه صغيره بابريكا

1 معلقه كبيره صويا صوص

ملح وفلفل اسود

1 معلقه صغيره ثوم مفروم

نصف معلقه مسطرده

1 معلقه كبيره خل

الطريقه

بعد تقطيع الفراخ هنتبلها كويس بمكونات الباربكيو اللى قلت عليها دى ونسيبها فى التتبيله دى لمده ساعه

بعد كده هنجهز طاسه فيها شويه زيت صغيرين لحد ماتسخن وبعدين هنحط الفراخ فيها مع التقليل كويس جدا لحد ماتستوى بعد كده هنجهز عيش التورتيلا ونحط فيه الفراخ وبعدين شرائح الجبنه الشيدر وكميه من الكلوسلو بالريكفورد ونقدم السندوتشات بالهنا والشفا

2 معلقه خل بلسمك

1 معلقه ثوم مفروم

2 بصله مقطعه جوليان شرائح

2 فلفل رومى احمر مقطع شرائح

1 معلقه بابريكا بودره

2 معلقعه زيتون مفروم فيليه

1 معلقه شطه بودره حسب رغبتك

ملح وفلفل اسود

1 معلقه زعتر بودره

زيت زيتون او زيت زره

الطريقه

فى حله على النار هنسخنها كويس جدا وبعد كده هنضيف اللحمه مع التقليب كويس جدا بعد كده هنضيف البصل والثوم مع التقليب لحد ماللحمه تبتدى تاخد اللون البنى هننزل عليها بالبابريكا والصويا والبلسمك مع التقليب كويس جدا بعد كده هنضيف الزيتون المفروم والفلفل الاحمر والشطه والزعتر ونتبل بالملح والفلفل الاسود ونسيبها 5 دقايق تانى على النار لحد ماتستوى ونكون مجهزين العيش المدهون بالمايونيز ونعمل السندوتشات ونقدمها ساخنه بالهنا والشفا

2 قرن فلفل حامى بردوه فى الهون مدقوق

1 معلقه كبيره كزبره ناشفه

1 معلقه كبيره كمون

فلفل اسود وملح

عصير 2 ليمونه كبيره

1 معلقه خل كبيره

2 فلفل رومى اخضر كبير مقطع ترنشات

معلقه صغيره شطه بودره حسب الرغبه

عيش بلدى او فرنساوى زى مابتحبى ويكون مدهون طحينه

الطريقه

بعد تقطيع الكبده بجيب طاسه وبسخنها كويس جدا وتكون حاميه بحط شويه زيت بسيطه فيها وبعد كده بنزل بالثوم المدقوق وبقلب كويس اوى وبعد كده بنزل بالكمون والكزبره وهنا انا بدات بالكمون والكزبره قبل الكبده لان ده بيعمل ريحه وطعم هايلين وبعد كده بننزل بالكبده وبلفها كويس والاهم تكون الطاسه لسه حاميه لانى عايزه الكبده مش تنزل المايه اللى فيها وبعد كده بنزل بالفلفل الحامى المدقوق وبقلب كويس اوى وبعدين الفلفل الرومى وبعدين الملح والفلفل وعصير الليمون والخل وبرفعها من ع النار وابتدى اعمل السندوتشات الجميله وبالهنا 

ربع كيلو شرائح بيف سلامى

معلقه زيت زيتون

نصف معلقه زعتر

خص او جرجير زى مابتحبى

الطريقه

هنجيب الجبنه البيضا ونكون مصفيين منها المايه كويس جدا بعد كده هنهرسها مع زيت الزيتون والزعتر بالشوكه كويس اوى لحد ماتبقى كريمى وبعد كده هنجيب التوست المحمص ونحط طبقه من كريمه الجبنه البيضا ثم طبقه من الخص او الجرجير وبعدين طبقه من السلامى وبعدين نحط قطعه التوست التانيه ونقدمه بالهنا

نصف كوب طماطم شيرى

نصف كوب خل بلسمك

2 فص ثوم مفروم

عصير 1 ليمونه كبيره

ملح وفلفل ابيض

1 معلقه مسطرده

نصف فنجان صغير زيت زيتون

1 معلقه زعتر بودره

الطريقه

هنجيب صدور الفراخ ونحط عليها كل مكونات التتبيله دى ونسيبها فى الثلاجه لمده ساعه ع الاقل وبعد كده هنجهز الشوايه ونشوى عليها الفراخ لحد ماتستوى ولو مش عندك شوايه ممكن طاسه فيها شويه زيت بسيطه اوى ونشوح فيها الفراخ وبعد كده ندخلها الفرن عشان تكمل التسويه وبعدين هنحتفظ بالباقى من التتبيله دى لاننا هنستخدمه فى تتبيل السلطه وبعدين هنقطع الخص اللى موجود بعد غسيله اى تقطيعه وبعدين هنضعه فى طبق التقديم وهنقطع صدور الفراخ شرائح ونضعها فوق الخص ونضيف الطماطم الشيرى وبعد كده نضيف اللى باقى من التتبيله بتاع الفراخ على الفراخ والخص من فوق ونقدمه بالهنا والشفا

التتبيله

عصير 2 بصله كبيره بدون تفل البصل

نصف كوب من الخل

1 طماطم كبيره

نصف كوب من الزيت

5 ورقه لوره

1 جوز الطيب

1 معلقه حبهان

1 معلقه قرنفل

ربع فنجان كاتشب

ملح وفلفل اسود

معلقه كزبره ناشفه

الطريقه

هضرب كل المكونات اللى قلت عليها دى فى الخلاط لحد ما تنعم معايا كويس بعد كده هجيب شرائح اللحم البقرى وهحط التتبيله دى كلها على شرائح اللحم لمده لا تقل عن ساعتين وبعد كده هجهز الشوايه وهنبتدى نشوى اللحم لحد مايستوى ولو مش عندك شوايه ممكن نشوحها فى طاسه وبعد كده نكمل سواها فى الفرن وبالهنا والشفا

2 معلقه زيت سمسم

1 معلقه جنزبيل مفروم

1 معلقه كبيره سمسم

1 معلقه كاجو مجروش

1 خص كابوتشا او اى نوع خص

1 برتقال مقطعه فيليه

2 ورقه كرنبه حمرا مقطعه قطع صغيره

1 جزره مبشوره

1 معلقه ثوم مفروم

الطريقه

هنضرب الصويا مع زيت السمسم مع الجنزبيل مع الثوم المفروم ونقلبهم كويس اوى بالمضرب او المعلقه وبعد كده هناخد صدر الفراخ وناخد شويه من التتبيله دى ونتبل بيه صدر الفراخ ونسيبه فى التتبيله دى حوالى نصف ساعه وبعد كده نشويه على الشوايه او فى طاسه فى شويه زيت بسيطه لحد مايستوى وبعد كده هنجهز السلطه

بالبرتقال مع الخص الكابوتشا المتقطع مكعبات مع الكرنب الاحمر مع الجزر المبشور فى طبق التقديم بعد تقليبهم كويس وبعدين نقطع صدر الفراخ شرائح ونضيفه فوق السلطه وبافى التتبيله اللى عملناها فى الاول هنضيفها على وش السلطه ونجمل بالكاجو والسمسم وبالهنا والشفا

2 بصله مقشره ومقطعه اى تقطيعه

نصف كوب من الخل

نصف كوب زيت زره

عصير 2 ليمونه كبيره

1 معلقه كبيره مسطرده

1 معلقه صغيره زعتر

1 معلقه كبيره روزمارى فريش او مجفف وده مهم اوى

1 معلقه كبيره زر ورد

5 حبه ورق لوره

5 حبه حبهان

5 عود قرنفل

1 معلقه معجون صلصه

1 معلقه كبيره بابريكا

نصف فنجان كاتشب

2 معلقه كبيره هوت صوص

ملح وفلفل اسود زى مابتحبى

1 حبه طماطم صغيره مقطعه اى تقطيعه

الطريقه

هنضيف كل مكونات التتبيله دى فى الخلاط الكهربائى وهنضربهم كويس جد لحد كل المكونات دى ما تتجانس مع بعضها وبعدين هنضيف كل المكونات دى على كيلو اللحم ونحطهم فى الثلاجه لمده لا تقل عن 10 ساعات يعنى انا لو هشوى على الغداء بكره الساعه 3 العصر هتبلهم من دلوقتى ده هيخلى اللحمه تشرب التتبيله كلها وبعدين نجهز الفحم او حتى شوايه الكهرباء ونشوى الريش ولو مش عندك شوايه ممكن تستخدمى الفرن او حتى طاسه فيها شويه زيت بسيطه وتكملى سواها فى الفرن وبالهنا والشفا

5 ورقه لوره

5 حبه حبهان سليم

2 عود قرفه عيدان

1 معلقه جنزبيل بودره

1 معلقه كركم كبيره

2 حبه مستكه

2 معلقه كارى بودره

ملح وفلفل اسود

5 حبه قرنفل

2 مكعب ماجى

معلقه زر ورد

معلقه بشر ليمون

1 معلقه قرفه ناعمه

1 جوز الطيب مبشوره

1 معلقه كمون

1 معلقه كزبره ناشفه

4 فص ثوم مفروم

بقدونس للتجميل

جوز هند مبشوره للتجميل ودى حسب الرغبه

الطريقه

 فى حله كبيره عشان مساحه الفرخه هحط شويه زيت بسيطه بعد كده هحط البصل المفروم واقلب كويس اوى وبعدين الثوم وبعدين الكارى والكركم مع التقليب كويس جدا بعد كده هضيف كل التوابل اللى قلت عليها مع التقليب المستمر يعد كده هضيف حوالى 2 كوب ماء كبير وهلاحظ ان اللون بقى اصفر وده اللى انا عايزه بعد كده هضيف مكعبين ماجى وعند الغليان هسقط الفرخه السليمه

بعد كده هسيب الفرخه لحد متستوى وبعد متستوى هرفعها من ع النار

وفى نفس الحله دى وبنفس الشوربه الجميله اللذيذه دى هعمل الارز البسمتى بعد مرفع الفرخه هجيب كوبين من الارز البسمتى مغسولين كويس وبعد كده هزود شويه مايه على الشوربه دى وعند الغليان هسقط الارز واهدى النار لحد ميستوى وبعدين هغرف الفراخ بالطريقه الجميله دى وبالهنا والشف

تتبيله الكباب

عصير 2 بصله كبيره بدون تفل البصل

نصف كوب من الخل مع عصير ليمونه كبيره 

1 طماطم 

نصف كوب من الزيت

3 ورقه لوره

بشره صغيره جوز الطيب

3 حبه حبهان

2 حبه قرنفل

ربع فنجان كاتشب

1 معلقه صغيره زر ورد

ملح وفلفل اسود

معلقه كزبره ناشفه 

الطريقه

هضرب كل المكونات اللى قلت عليها دى فى الخلاط لحد ما تنعم معايا كويس بعد كده هجيب مكعبات اللحمه وهحط عليها التتبيله دى لمده لا تقل عن 4 ساعات ولو باتت فى التتبيله هتبقى اروع فى الطعم والريحه وبعد كده هجيب اسياخ الشيش واشك المكعبات اللحمه مع مكعبات بصل وفلفل الوان وابتدى اشويها على الشوايه الفحم او الشوايه الكهرباء او حتى فى الفرن واقدم جنبه احلى سلاطات زى البابا غنوج والطحينه والسلطه البلدى وبالهنا والشفا

ربع كيلو سمنه سايحه

ربع كيلو لبن حليب

ربع كيلو عسل جلوكوز وده مهم جدا فى البسبوسه يعنى تتصرفى وتجبيه وموجود فى كل السوبر ماركت الكبيره واى محل مستلزمات حلوانى 

نصف كيلو سكر

1 معلقه جوز الهند مبشوره ناعم

شربات بسبوسه هيكون عباره عن

2 كوب مايه مع كوب ونصف سكر ونصف ليمونه وهنسبيهم يغلوا على النار لحد مايعمل معاكى الشربات هتركنيه على جنب لانى عايزه يبرد لاننا هنسقى البسبوسه وهى ساخنه يبقى لازم الشربات يكون بارد

الطريقه

هتجيبى اى حاجه عشان تعجنى فيها حله او طبق زجاج او بلاستيك وتحطى اللبن مع الجلوكوز مع السكر مع السمنه وهنضربهم كويس اوى وبعد كده هتضيفى جوز الهند والسميد لحد عجينه البسبوسه ماتتجانس معاكى مع العجن المستمر بعد كده هتجهزى الصوانى المدهونه بالسمنه وتفردى البسبوسه فى الصوانى وتبسيها كويس اوى بايدكى وبعدين تقدرى تقسميها بسكينه تقسيم بسيط اوى قبل دخلوها الفرن وممكن تحطى لوز زى الصوره كده وبعد كده على الفرن مباشره على درجه حراره 160 لمده 20 دقيقه او لحد مالونها يحمر معاكى ويبقى دهبى واول ماتخرجيها من الفرن هتسقيها الشربات مباشره وتسبيها تبرد وبعد كده تقطيعها وتقدميها 

20 جرام خميره فوريه

ربع كوب زيت زيتون

حوالى نصف لتر ماء دافىء للعجن

الطريقه 

هجيب الدقيق وهحط عليه الزيت والسكر والملح والخميره وهقلبهم كويس بعد كده هحط المايه الدافيه وهبداء بالعجن كويس 

جدا لحد ما العجينه تتماسك معايا هركنها على جنب واغطيها ببلاستيك لحد متخمر وابدا اجهز فى الصوص بتاعى

مكونات الصوص

بصله مفرومه

2 فص ثوم مفروم

معلقه صغيره زعتر

معلقه ريحان بودره او فريش

معلقه صغيره روزمارى

2 معلقه صلصه بوريه

3 كوب عصير طماطم

ملح فلفل اسود

فى حله ع النار فيها شويه زيت بسيطه جدا بنزل بالبصل المفروم وبقلب كويس وقبل مالونه يغير بنزل بالثوم وبقلب كويس بعد كده الصلصه البوريه وبقلب كويس بعد كده عصير الطماطم وبسيبها تتسبك وبعد كده بضيف الزعتر والروزمارى والريحان والملح والفلفل

عمل البيتزا والتسويه

بعد خمران العجينه ببداء بتشكيلها وتقطيعها لو صينيه حجم 30 بقطع قطعه العجينه حوالى 250 جرام ده مهم جدا عشان التسويه تطلع صح بعد كده بفرد العجينه كويس

بالمردانه وبحطها فى الصينيه وبسيبها حوالى ربع ساعه قبل التسويه وقبل محط مكونات البيتزا عليها وبعد كده بشوكها بشوكه عشان متقبش منى فى الفرن وبضيف الصوص وبضيف مكونات البيتزا اللى بحبها زى التونه والانشوجه او السلامى او الخضار او الفراخ السوتيه او الحمبرى او السى فود او اى شىء بتحبوه وبعدين المودزاريلا المبشوره وبالهنا والشفا

2 معلقه كبيره خل مع عصير 2 ليمونه كبيره 

1 معلقه كبيره مسطرده 

معلقه صغيره ثوم بودره مع معلقه صغيره بصل بودره 

ملح وفلفل اسود 

معلقه زعتر وروزمارى ومرميه وبردقوش وريحان فريش ومعلقه كبيره زيت زيتون قلبت كل مكونات التتبيله دى مع بعض وبعدين حطيت الفراخ لمده ساعه وبعدين شويتها ع الجريله والباقى من التتبيله تبلت بيه البطاطس وشوتها كمان مع الفراخ لو مش عندك جريل مش مشكله خالص سوى فى طاسه وكملى تسويه فى الفرن مع قطعه زبده زياده واعملى كده مع البطاطس

نص معلقه كبيره خميره فوريه

2 معلقه كبيره زيت زيتون

حوالى ربع لتر ماء دافىء للعجن

الطريقه 

هجيب الدقيق وهحط عليه الزيت والسكر والملح والخميره وهقلبهم كويس بعد كده هحط المايه الدافيه وهبداء بالعجن كويس جدا لحد ما العجينه تتماسك معايا هركنها على جنب واغطيها ببلاستيك لحد متخمر وابدا اجهز فى الصوص بتاعى

ابقى جهزى بقى نصف كوب كاتشب مع نصف كوب عصير طماطم مع شويه زعتر وريحان مفروم عشان يبقى صوص ندهن بيه الكاليزونى 

بعد خمران العجينه ببداء بتشكيلها وتقطيعها حوالى 200 جرام القطعه وتفرديها كويس وبعدين تحطى شويه من الصوص اللى عملناه ده بسيط اوى وبعدين الحشوات اللى تحبيها واهم حاجه فى الحشوات دى الجبنه المودذاريلا طبعا ومعاها اى حاجه انتى بتحبيها بقى لانشون سلامى فراخ تركى مدخن فراخ شاورمه اى حاجه ومتنسيش الزيتون وتقفليها زى القطايف بظبط وتحطيها فى صينيه وتدهنى كمان الوش بتاعها بفرشاه من الصوص ده عشان تاخد اللون مع شويه زعتر وبالهنا والشفا

1 كيس فانيليا 

1 معلقه قرفه بودره 

1 كوب زيت 

حوالى 7 او 8 اناناس اسلايز 

1 معلقه كبيره بيكنج بودر 

2 كوب دقيق 

 كمان تاخدى مايه الاناناس تعصرى عليها ليمونه كبيره ومعلقتين سكر وتحطيها على النار لحد ماتغلى وتقصر وتبقى شربات لو حابه تسقى الكيكه 

الطريقه  

لو هتعمليها فى العجانه ماشى ولو مش عندك تقدرى تعمليها على ايديكى سهله جدا هتضربى البيض مع السكر والفانيليا والقرفه كل مع بعضه لمده دقيقتين فى العجانه و 5 دقايق على ايديكى وممكن كمان فى الخلاط العادى بعد كده الدقيق والبيكنج بودر وتقلبى والتقليب يكون فى اتجاه واحد زى ماقلنا قبل كده عشان مش تهبط معاكى هتجهزى صينيه مدهونه زيت او زبده مع رشه دقيق وتحطى فيها قطع الاناناس سليمه زى ماهى وتصبى فيها الخليط ده ويكون الفرن جاهز وسخن على درجه حراره 200 لمده نصف ساعه هتطلع معاكى جميله ممكن تذوقيها بكريز كمان فريش او كمبوت وبالهنا والشفا

نص كوب عصير ليمون 

2 معلقه خل ابيض كبيره مع معلقه كبيره خل بلسمك 

معلقه كبيره كمون

معلقه كبيره كزبره ناشفه

معلقه كبيره مسطرده

معلقه كبيره ثوم مفروم

معلقه صغيره بصل بودره 

بشره جوز الطيب 

معلقه صغيره حبهان بودره

2 معلقه كبيره بابريكا 

ملح وفلفل اسود

4 معلقه دقيق 

الطريقه ولا اسهل من كده

هتقلبى كل مكونات التتبيله دى مع بعضها وتحطى فيها الكبده ساعتين زى ماقلتك وكل ماتقعد اكتر كل ماهتحلو معاكى اكتر واكتر وبعدين تصفيها كويس اوى وبعدين تقلبيها فى الدقيق تعفريها يعنى وبعدين 

هتجيبى حله كبيره وتحطى فيها ربع كوب زيت زره وتسخن معاكى جدا هتحطى الكبده وتقلبى كويس اهم حاجه هنا ان الحله تكون سخنه جدا عشان الكبده متجيبش المايه بتاعتها ويطلع لونها حلو زى ماعملناها انا قدمت معاها سلطه عباره عن خص وكرنب احمر وجزر بالخل البلسمك والسماق والليمون وبالهنا والشفا 

1 كيلو دقيق

20 جرام خميره فوريه

20 جرام محسن خبز

20 جرام ملح

50 جرام سكر

30 جرام لبن بودره

نصف كوب زيت

حوالى نصف لتر ماء للعجن

الطريقه

بحط الدقيق مع الخميره مع المحسن مع اللبن البورده مع الملح وبقلبهم كويس اوى بايدى بعد كده بحط السكر والزيت مع المايه وبنزل بيهم على الدقيق وبعجن كويس اوى براحه اليد وبقوه حتى بعد تجانس العجينه بايدى تانى وبعجن كويس بعد كده بغطيها لمده 20 دقيقه ترتاح فيهم العجينه وبعدين بقسط العجينه بايدى حجم حوالى 40 جرام للرغيف وبعد تقطيع العجينه بسيبها ترتاح تانى لمده 15 دقيقه بعد كده مرحله التشكيل ودى هتكون صعبه شويه لكن هنحاول نسهلها بنشكل القطعه على شكل كورات بايدينا وبعد كده بنفردها بكف الايد بحيث ان تكون قفله الرغيف لتحت وفى صاج مدهون زيت بسيط جدا برص الرغيف بحيث تكون قفلته من تحت وبشرح العيش بسمينه عشان يبقى بالمنظر الجميل ده وبعدين بغطى صاج العيش بحاجه وبسيبه يخمر لمده نصف ساعه بعد كده فى فرن دجه حرارته 240 بدخل الصاج وقبل مدخله برشه مايه بارده ببخاخه الماء عشان اللون ويكون كمان سوفت فى الفرن وياريت العيش يكون فى منتصف الفرن لمده من 10 الى 15 دقيقه وبالهنا والشفا 

معلقه صغيره خميره فوريه

معلقه كبيره سكر

نصف معلقه صغيره ملح

2 كوب لبن

زره فانيليا

2 معلقه زيت زره

2 بيضه

للتغطيه بقى زى مابتحى انا عن نفسى حطيت صوص شيكولاته وفراوله لو بتحبى بالعسل النحل او المربى او السكر البودر دى حاجه ترجعلك 

 الطريقه 

هنضرب البيض مع اللبن مع السكر مع الخميره والفانيليا والملح ونقلبهم كويس بمضرب سلك وبعدين نضيف الدقيق مع البيكنج بودر مع التقليب بالمضرب وبعد كده نضيف الزيت وبعد كده نصفى العجينه كويس بمصفاه ونجهز طاسه تكون سخنه ومدهونه زيت بسيط اوى ونحط مقدار فى الطاسه لحد ماتاخد لون ونقلبها تاخد لون على الوجه التانى وهكذا لحد مالعجينه تخلص معاكى وبعد كده هتسيبى البان كيك يبرد وتحطيه فى طبق التقديم وتجمليه زى ماتحبى