سندوتشات جمبرى فرايد
هاتى نص كيلو جمبرى بيبى
واعملى التتبيله دى على النص كيلو ده
3 معلقه كبيره خل
عصير 3 ليمونه . ملح . فلفل اسود
معلقه كارى بودره كبيره
وكمان معلقه ممسوحه كمون
ونصها بظبط كزبره ناشفه
هاتى بقى كمان معلقه صغيره ينسون
وكمان معلقه كبيره ثوم مفروم
نص معلقه صغيره جنزبيل بودره
وكمان معلقه مسطرده
بصى كمان لو عايزاه اسبايسى ومشطشط زى ده هتزودى معلقه شطه بودره كويس اوى كده
قلبى كل ده مع بعضه تبلى بيهم الجمبرى لمده ساعه
صفيهم كويس من التتبيله عفريهم بدقيق وفى زيت غزير اقلى الجمبرى هيطلع معاكى كرسبى ويجنن
هاتى بقى العيش وفتحيه
وكمان هاتى 4 معلقه مايونيز مع نص معلقه كبيره مسطرده وعليهم نص معلقه كبيره صويا صوص ونص ليمونه وقلبى ده مع بعضه ادهنى بيه العيش وماتنسيش الخص واعملى اجمل سندوتشات وبالهنا والشفا يارب
0 comments:
Post a Comment