تشيكن الاكيف
4 صدور فراخ بدون جلد او عظم فيليه يعنى وهنتبلهم بمعلقه كبيره مسطرده مع ملح وفلفل وعصير ليمون لكن ممكن تسيبى عظمه الكتف زى ما انا عامل كده
150 جرام زبدة بدرجة حرارة الغرفة
1 معلقه ثوم مفروم
1 ربطه بقدونس مفروم
1 معلقه زعتر بودره
ملح وفلفل ابيض
دقيق بيض بقسماط للبانيه
زيت للقلى
الطريقه
هنجيب صدور الفراخ ونفتحها بالسكينه كويس فتحه كأنك بتعملى سندوتش بظبط وبعدين نتبل الصدور بالمسطرده والملح والفلفل وعصير الليمون كويس اوى ونركنهم على جنب ونبتدى نعمل الحشو باننا نجيب الزبده اللى هى مش سايحه ولا مجمده يعنى فى درجه حراره العرفه ونحط عليها البقدونس المفروم والملح والفلفل الابيض والزعتر والثوم ونقلبها كويس اوى بحيث ان كل الزبده مع التوابل دى تتجانس مع بعضها وبعدين نجيب الصدور ونفردها كويس وفى كل صدر نحط معلقه من الزبده المتبله دى ونقفلها وبعدين نحطها فى الفريزر لمده نص ساعه وبعدين نطلعها نحطها فى الدقيق والبيض والبقسماط بالترتيب وبعد كده لازم ندخلها الفريزر لمده ساعه تانى على الاقل قبل القلى وبعدين نقليها فى زيت ساخن وعميق ونقدمها ساخنه لازم تتقدم سخنه عشان الزبده اللى جواها تبقى سايحه وتدى طعم اجمل ممكن تقدمى معاها بوريه بطاطس او اى نوع مكرونه بتحبيه وبالهنا والشفا
0 comments:
Post a Comment