المقادير
عشان تعملى الكميه اللى فى الصوره دى هتجهزى
ربع كيلو لحمه مفرومه
نص كوب دقيق
5 قطع جبنه مثلثات اى نوع
1 معلقه صغيره ثوم بودره
وكمان زيها بصل بودره
ربع معلقه صغيره حبهان بودره
ملح
كمان هنحتاج فصين ثوم مفرومين
معلقه صغيره كارى بودره
5 بيضات كاملين
هتسلقى قطعه بنجر وتاخدى معلقتين كبار مايه من اللون بتاعها
الطريقه
خدى كل المكونات دى مع بعضها واضربيها فى كبه المطبخ لحد ماتنعم معاكى كويس اوى
بعد كده هتجيبى قالب كيك عادى جدا وتغافيه ببلاستيك مطبخ من جوه وتصبى الخليط فى القالب وتحطيه فى حمام مايه وعلى الفرن بخار لمده 45 دقيقه مش مشكله لو مش عندك فرن بخار هتجيبى بلاستيك المطبخ وتحطى الخليط وتلفيه كويس وترطيبه من الجنبين وتلفيه فى سلفر وتسلقيه فى حله فيها مايه وبصله متقطعه وورق لوره وفلفل حصى لمده نص ساعه بعدكده هتفكيه من البلاستيك والسلفر وتحطيه فى الثلاجه لمده ساعتين قبل التقطيع وبالهنا
0 comments:
Post a Comment