المكونات
نصف كيلو فراخ صدور بدون جلد او عظم مقطعه شرائح رفيعه
4 عيش تورتيلا
4 شرائح جبنه شيدر مقطعه جوليان
مكونات سلطه الكلو سلو بالريكفورد
ربع كرنبه مقطعه شرائح رفيعه جوليان
1 جزره صغير مبشوره
1 معلقه كبيره خل
1 معلقه سكر
نصف مكعب جبنه ريكفورد
نصف فنجان كريمه لبانى
هنحط الجزر والكرنب مع بعض وعليهم معلقه خل ومعلقه سكر وبعدين نجيب الجبنه ونضربها فى الخلاط مع الكريمه اللبانى لحد ماتتجانس معانا وبعد كده هنضيفها على الكرنب والجزر ونقلبها على بعض كويس ونسيبها فى الثلاجه لحد مانعمل الفراخ الباربكيو
مكونات صوص الباربكيو اللى هنتيبل بيه الفراخ
نصف فنجان كاتشب
2 معلقه كبيره هوت صوص
1 معلقه صغيره بابريكا
1 معلقه كبيره صويا صوص
ملح وفلفل اسود
1 معلقه صغيره ثوم مفروم
نصف معلقه مسطرده
1 معلقه كبيره خل
الطريقه
بعد تقطيع الفراخ هنتبلها كويس بمكونات الباربكيو اللى قلت عليها دى ونسيبها فى التتبيله دى لمده ساعه
بعد كده هنجهز طاسه فيها شويه زيت صغيرين لحد ماتسخن وبعدين هنحط الفراخ فيها مع التقليل كويس جدا لحد ماتستوى بعد كده هنجهز عيش التورتيلا ونحط فيه الفراخ وبعدين شرائح الجبنه الشيدر وكميه من الكلوسلو بالريكفورد ونقدم السندوتشات بالهنا والشفا
0 comments:
Post a Comment