الفراخ المحشيه
المكونات
1 فرخه متوسطه حوالى كيلو ونص
1 كوب ارز
1 بصله مبشوره
نصف معلقه صغيره قرفه
نصف معلقه حبهان بودره
بشره جوز الطيب
1 معلقه كزبره
معلقه ثوم مفروم
ملح وفلفل اسود
1 معلقه نعناع مفروم
2 معلقه كزبره خضرا مفرومه
كبد وقوانص الفراخ مغسوله ومقطعه مكعبات صغيره
معلقه كبيره صلصه طماطم مع نصف فنجان زيت ومعلقه زعتر عشان اللون الدهبى هتاخده الفراخ
الطريقه
هنغسل الفرخه بالمايه والخل كويس من بره ومن جوه ونسيبها منقوعه فى الملح والخل شويه
مانعمل
الحشو على النار فى حله فيها شويه زيت او سمنه نشوح البصل المفروم مع الثوم كويس وبعدين
نحط الكبد والقوانص مع التقليب وبعدين نضيف الارز المغسول مع التقليب كويس هضيف كل البهارات
اللى قلت عليها ماعدا النعناع والكزبره الخضرا هنضيفهم بعد مانرفع الارز قبل الحشو وبعدين
هضيف مقدار المايه واهدى النار لحد الارز ما يستوى معايا نص سوا وبعدين
هاتى الفرخه ونحشيها كويس متملوهاش ارز على الاخر لان الارز لسه حجمه هيزيد داخل
الفرخه لما يكمل سواه بعدين فى صينيه هحط الفرخه فيها وتحتها بصل متقطع واى خضار متقطع
عندك وبعدين هزود شويه مايه فى الصينيه وبعدين هدخلها الفرن على درجه حراره 180 لمده نص
ساعه وبعدين هرفع الفويل من عليها وادهنا الخليط اللى قلت عليه اللى هو صلصه مع زيت مع زعتر
وبعدين هدخلها الفرن من غير غطا تاخد اللون الجميل الدهبى عايزه واقدمها مع سلطه خضرا وطحينه
وبالهنا والشفا جربيها
0 comments:
Post a Comment