العيش التركى
المكونات والطريقة
3 كوب دقيق
1ونص كوب مايه دافيه للعجن
معلقه صغيره سكر
معلقه صغيره ملح
معلقه صغيره زيت ذره
معلقه كبيره ممسوحه خميره فوريه
سمسم وحبه البركه للتزيين
1 علبه زبادى مع 2 اصفر بيض مضربين على بعض عشان هندهن
بيهم العيش قبل دخوله الفرن عشان ياخد لون جميل
الطريقه
هنعجن العجينه عادى فالعجان ولو
مش عندك عجانه ممكن على ايديكى هنحط الدقيق
ومعاه الخميره والسكر والملح والزيت واخلطيهم مع بعض وبعدين
نضيف المايه مع العجن كويس خالص لحد ماتتجانس العجينه
وتتماسك تشبه عجينه البيتزا
هنسيب العجينه ترتاح لمده نصف ساعه وبعدها
هنقسمها قطع صغيره فى حجم 100 جرام القطعه ونفردها
بالنشابه زى البيتزا ونرصها فى صاجات كبيره وبينها مسافات
بين الرغيف والتانى عشان هتخمر تانى وبعدها هنغطى العيش
ونسيبه يخمر فى الصاج لمده نص ساعه تانيه نكون سخنا الفرن
على درجه حراره 200 و قبل دخول العيش الفرن هنشوكه
بالشوكه عشان مايترفعش معانا جوه الفرن وندهنه بخليط الزبادى
مع صفار البيض ونرش الوجه بالسمسم وحبه البركه وندخله الفرن
على نفس درجه الحراره لمده 15 دقيقه مع المتابعه ونقدمه ساخن
بالهناوالشفا جربيها
0 comments:
Post a Comment